نیویارک ۔20ستمبر (اے پی پی):وزیر اعظم محمد شہباز شریف اقوام متحدہ دی جنرل اسمبلی دے 77 ویں اجلاس اچ شرکت کیتے نیویارک پڄ ڳئن ، وزیر اعظم آفس دے میڈیا ونگ توں جاری بیان موجب نیویارک دے جان ایف کینیڈی انٹرنیشنل ایئرپورٹ تے اقوام متحدہ اچ پاکستان دے مستقل مندوب منیر اکرم،واشنگٹن اچ پاکستان دے سفیر مسعود خان، نیویارک اچ پاکستانی قونصل جنرل عائشہ علی تے ٻئے اعلیٰ حکام وزیر اعظم دا استقبال کیتا، اوملکہ برطانیہ الزبتھ دوم دی آخری رسومات اچ شرکت دے بعد برطانیہ توں نیویارک پڄے ۔نیویارک توں اے پی پی دے نمائندہ موجب وزیراعظم شہباز شریف 23 ستمبر کوں اقوام متحدہ دی جنرل اسمبلی توں خطاب کریسن ۔وزیراعظم شہباز شریف اڄ سنوار کوں اقوام متحدہ دے سیکرٹری جنرل انتونیو گوتیرس دی طرفوں ݙتے ونڄݨ آلے استقبالیہ اچ شرکت کریسن ۔او اڄ فرانس تے سپین دے صدور اتے آسٹریا دے چانسلر نال ??لاقاتاں کریسن ۔ وزیر اعظم شہباز شریف دی یورپی یونین کونسل دے صدر چارلس مائیکل نال ??لاقات تے عالمی غذائی تحفظ بارے سینیگال دے صدر اتے افریقی یونین دی میزبانی اچ تھیوݨ آلے سربراہی اجلاس اچ شرکت وی ایجنڈے اچ شامل اے ۔ وزیر اعظم شہباز شریف منگل کوں آئی ایم ایف دی منیجنگ ڈائریکٹر کرسٹالینا جارجیوا تے عالمی بینک دے صدر ڈیوڈ ملپاس نال ??ی ملاقات کریسن ۔ وزیر اعظم ترک صدر رجب طیب اردوان تے ایران دے صدر ابراہیم رئیسی نال ??ی ملاقات کریسن ۔او اقوام متحدہ دی جنرل اسمبلی دے صدر سابا کوروسی نال ??لاقات کریسں تے امریکی صدر جوبائیڈن دی طرفوں ݙتے ڳئے استقبالیہ عشائیے اچ شرکت کریسن ۔ وزیراعظم فن لینڈ دے صدر سائولی نی نیستو نال ??لاقات کریسن تے ترک صدر اتے انہاں دی ذال دے اعزاز اچ استقبالی ظہرانہ ݙیسن۔ مائیکروسافٹ دے بانی بل گیٹس ، اقوام متحدہ دے سربراہ ، چین دے صدر اتے جاپان دے وزیراعظم نال ??لاقاتاں وی وزیراعظم دے ایجنڈے اچ شامل ہن۔ وزیراعظم شہباز شریف لکسمبرگ دے وزیر اعظم زاویئر بیٹل تے ملائیشیا دے وزیر اعظم اسماعیل صابری یعقوب نال ??ی ملاقات کریسن ۔ وزیراعظم بین الاقوامی ذرائع ابلاغ نال ڳالھ مہاڑ وی کریسن ۔
.jpg)
