لاہور۔ 27 ستمبر (اے پی پی) وفاقی وزیر قانون و انصاف سینیٹر اعظم نذیر تارڑآکھیے جو نینگر ڈاکٹرز قوم دا قیمتی سرمایہ تے روشن مستقبل ہن ۔ میڈیکل دے شعبے نال جڑئے لوک ہر ݙینھ ھک نویں امتحان تے چیلنج دا سامݨا کریندن پر اپݨی محنت، عزم تے لگن دے ذریعے او نہ صرف انسانی جاناں بچیندن بلکہ ملک تے قوم دی خدمت دا مقدس فریضہ وی سرانجام ݙیندے پئین۔ اے ڳالھ انہاں مقامی ہوٹل اچ کالج آف فزیشنز اینڈ سرجنز پاکستان دے 58ویں کانووکیشن دی تقریب کنوں خطاب کریندے آکھی ۔ تقریب اچ وݙی تعداد اچ فارغ التحصیل ڈاکٹرز، انہاں دے والدین، فیکلٹی ممبران، طبی ماہرین تے ٻئے معزز مہمان شریک تھئے۔ ایں موقع تے صوبائی وزرائے صحت پنجاب خواجہ سلمان رفیق، خواجہ عمران نذیر، سی پی ایس پی دے صدر پروفیسر خالد مسعود گوندل، پروفیسر ڈاکٹر راشد لطیف، پروفیسر فرید ظفر سودھے ٻئی نمایاں شخصیات وی موجود ہن۔ وفاقی وزیر سینیٹر اعظم نذیر تارڑ خطاب اچ سی پی ایس پی دی خدمات دی تعریف کریندے آکھیے جو کالج آف فزیشنز اینڈ سرجنز پاکستان دا معیار کہیں وی بین الاقوامی ادارے کنوں گھٹ کائنی۔ ایں ادارے دے فارغ التحصیل ڈاکٹرز دنیا بھر اچ پاکستان دا ناں روشن کریندے پئن تے انہاں دی خدمات طب دی دنیا اچ ناقابل فراموش ہن، جیڑھی ایں ادارے دی کامیابی دا منہ ٻولیندا ثبوت اے۔ خطاب اچ اعظم نذیر تارڑ پاکستان دی تاریخی کامیابیاں دا ذکر وی کیتا۔ انہاں آکھیا جو 10 مئی پاکستان دی تاریخ اچ ہمیشاں ہک روشن ݙینھ دے طور تے یاد رکھیا ویسی۔ پاکستان آپ کنوں وݙے ملک کوں ایجھا سبق سکھایا جو اوہ مدتاں یاد رکھیسی۔ پوری دنیا اچ پاکستان کوں بے پناہ عزت ملی تے پوری قوم دشمن دے خلاف سیسہ پلائی ہوئی کندھ ثابت تھئی۔ انہاں مزید آکھا جو اللہ تعالیٰ پاکستان کوں حرمین شریفین دی خدمت دا جیڑھا عظیم شرف عطا کیتے ، ایں کنوں پوری پاکستانی قوم دا سر ماݨ نال اچا تھی ڳئے ۔ وفاقی وزیر آکھیا جو دفاع اچ عظیم کامیابی دے بعد ہݨ ضرورت ایں امر دی اے جو ملک دی ترقی تے خوشحالی کیتے ہر شخص اپݨا کردار ادا کرے۔ اساں ساریں کوں رل تے پاکستان کوں ترقی آلے پاسے پڄاوݨا اے تے ایںدے اچ طبی شعبہ ہک کلیدی کردار ادا کر سڳدے۔ اعظم نذیر تارڑ آکھیا جو حکومت طب دے شعبے دی ترقی کیتے بھرپور کوشش کریندی پئی اے۔ وزیراعظم محمد شہباز شریف دی ہدایت تے اسلام آباد اچ جناح میڈیکل انسٹی ٹیوٹ قائم کیتا ویندا پئے ، جیڑھا ملک دے میڈیکل سیکٹر اچ ہک اہم سنگ میل ثابت تھیسی۔ ایندے دے نال نال وفاقی حکومت صوبیں دے نال مشاورت دے بعد ہک سو ارب روپے دی لاگت نال ہیپاٹائٹس مکاوݨ سانڳے جامع منصوبہ شروع کرݨ ویندی پئی اے۔ انہاں آکھیے جو اے منصوبے نہ صرف صحت دیاں سہولتاں کوں بہتر بݨیسن بلکہ لکھاں لوکاں دی جاناں وی بچیسن۔ انہاں نے آکھا جو صحت دا شعبہ انسانی خدمت دا ساریں توں وݙا میدان اے ۔ ایندے اچ کم کرݨ آلے ہر بندے کوں نہ صرف دعاواں ملدئن بلکہ او اپݨی پیشہ ورانہ کامیابی دے نال نال ملک تے قوم دی ترقی اچ وی اہم کردار ادا کریندن۔
.jpg)
.jpg)