راولپنڈی۔30نومبر(اے پی پی)پاک فوج دے سربراہ جنرل سید عاصم منیر دی شہید دی نکی دھی نال ملݨ دی ویڈیو سوشل میڈیا تے وائرل تھئی ڳئی جیندے اچ آرمی چیف ٻالڑی دی وڈیرے دے خلاف شکایت تے فوری کارروائی دی ہدایت کیتی۔ سوشل میڈیا تے وائرل ویڈیو اچ آرمی چیف شہید دی ٻالڑی کولو حال چال پچھدن تاں ٻالڑی شکایت کیتی جو ڈیرہ مراد جمالی اچ ہک وڈیرہ اپݨی زمین بچاوݨ کیتے پاݨی دا منہ ساݙے ڳھراں دو موڑ ݙیندے اتے چھل آ ویندے۔ آرمی چیف ٻالڑی دے سر تے ہتھ رکھدے معاملے تے فوری کارروائی دا آہدن۔ آرمی چیف عزم کیتے جو پاک فوج شہدا دے ورثا کوں کلہا نا چھڑیسی اتے انہاں دا پورا خیال رکھسی۔ ویڈیو وائرل تھیوݨ تے شہریان وݙی تعداد اچ آرمی چیف کوں خراج تحسین پیش کیتا۔
