اسلام ??باد۔21اگست (اے پی پی) وزیراعظم محمد شہباز شریف آکھیے جو کاروبار سہولت مرکز ??ے قیام نال سرمایہ کاراں کوں بغیر دیر، مصدقہ اتے ضروری رہنمائی، معلومات اتے سہولتاں مِلسن۔او کاروبار سہولت مرکز ??ے افتتاح دے موقع تے ڳالھ مہاڑ کریندے پئے ہن۔ وزیر اعظم آکھیا جو اڄ اسلام ??باد اچ پہلے بزنس سہولت مرکز کم شروع کر ݙتے، اے بہترین معیار دا مرکز ??ے جیں دے قیام نال سرمایہ کاراں کوں بغیر دیر ضروری اتے مصدقہ معلومات اتے رہنمائی مِل ویسی اتے انہاں کوں ہکی جاہ تے ساریاں سہولتاں ملسن۔ وزیراعظم سنٹر تے تعینات کیتے ڳئے عملے دیاں پیشہ ورانہ صلاحیتاں اتے انداز ??ی تعریف کریندیں ہدایت کیتی جو سرمایہ کاراں کوں عالمی معیار دیاں سہولتاں ݙتیاں ونڄن، انہاں کوں چنڳے انداز اچ خدمتاں ݙیوݨ یقینی بݨایا ونڄے۔ وزیراعظم ایں سنٹر دے قیام کیتے سرمایہ کاری بورڈ اتے متعلقہ وزارتاں دیاں کوششاں ??ی تعریف کریندیں آکھیا جو ملک دے باقی حصیں اچ وی ایجھے بزنس سنٹر قائم کیتے ویسن۔ سرمایہ کاری بورڈ دے وزیر قیصر احمد شیخ وزیراعظم کوں ݙسایا جو سرمایہ کاری دے ودھارے کیتے ٻہوں وݙا اقدام ??تے پیشرفت اے، ہک ہی چھت تلے سرمایہ کاراں کوں ساریاں ضروری معلومات، رہنمائی اتے سہولتاں دستیاب ہوسن۔ وزیراعظم مرکز ??ے مختلف ڈیسک دا معائنہ کیتا اتے سہولتاں دا جائزہ ڳھدا۔ وزیراعظم کوں متعلقہ حکام مرکز ??چ ݙتیاں ڳئیاں سہولتاں تے بریفنگ ݙیندیں ݙسایا جو کہیں وی انٹر پرائز کوں اتھاں ہر قسم دی رہنمائی ݙتی ویندی اے، مختلف پہلواں دا جائزہ گھنݨ اتے سودھے طریقہ کار دے ذریعے اصول مکمل کرݨ دے بعد ساری کارروائی گھٹ توں گھٹ ویلھے اچ آن لائن نبیڑ ویندی اے۔ ایں توں پہلے وزیراعظم تختی دی نقاب کشائی کرتے ون ونڈو بزنس سہولت مرکز ??ا افتتاح کیتا۔ وزیراعظم کوں بورڈ آف انویسٹمنٹ دے سپیشل اکنامک زون ونگ ولوں خصوصی بریفنگ وی ݙتی ڳئی۔ ایں موقع تے وفاقی وزراء، ارکان اسمبلی اتے متعلقہ اُ??ے سرکاری حکام موجود ہن۔
