ڈھاکہ۔24اگست (اے پی پی) نائب وزیراعظم / وزیر خارجہ اسحاق ڈار اتے بنگلہ دیش دے مشیر تجارت ایس کے بشیر الدین تجارتی و اقتصادی تعاون دے ودھارے خاص طور تے وپار اتے رابطے ودھاوݨ متعلق امور تے ڳالھ مہاڑ کیتی اے ۔ وزارت خارجہ توں جاری بیان موجب نائب وزیراعظم و وزیر خارجہ اسحاق ڈار نال بنگلہ دیش دے مشیر تجارت ایس کے بشیر الدین اتھاں ناشتے تے ملاقات کیتی۔ ایں موقع تے وفاقی وزیر تجارت جام کمال خان وی موجود ہن۔ ایں اہم تجارتی ملاقات اچ چوہدری عاشق محمود بن ہارون چیئرمین بنگلہ دیش انوسٹمنٹ ڈویلپمنٹ اتھارٹی، ڈاکٹر احسن ایچ منصور گورنر بنگلہ دیش بینک، محمد عبدالرحمان خان ایف سی ایم اے، چیئرمین، نیشنل بورڈ آف ریونیو اتے سیکرٹری، اندرونی وسائل ڈویژن، محمد عبدالروف سیکرٹری وزارت ٹیکسٹائل و پٹ سن، معین الخان چیئرمین بنگلہ دیش ٹریڈ اینڈ ٹیرف کمیشن، نسرین جہاں سیکرٹری شہری ہوا بازی و وزارت سیاحت، محبوب الرحمان سیکرٹری وزارت تجارت ، بریگیڈئیر جنرل محمد فویشول آزاد چیئرمین ٹریڈنگ کارپوریشن آف بنگلہ دیش اتے پاکستان اچ بنگلہ دیش دے ہائی کمشنر محمد اقبال حسین وی موجود ہن۔ ملاقات اچ ݙو طرفہ وپار، سرمایہ کاری اتے اقتصادی تعاون تے تفصیلی ڳالھ مہاڑ کیتی ڳئی
.jpg)
