اسلام آباد۔8اکتوبر(اے پی پی)خاتون اول آصفہ بھٹو زرداری نال چائنا-ایشیا-افریقہ ٹریڈ پروموشن دفتردی صدر ہائو اتھاں ایوان صدر اچ ملاقات کیتی۔ ایوان صدر دے پریس ونگ توں جاری بیان موجب آصفہ بھٹو زرداری ایں موقع تے ڳالھ مہاڑ کریندے آکھیا جو پاکستان دے زراعت تے مبنی معیشت ہووݨ دے ناطے چین دی جدید زرعی ٹیکنالوجیز اتے مہارت توں ٻہوں فیدہ چاسڳدے۔ انہاں آکھیا جو زراعت دے شعبے اچ پاݨی ݙیوݨ دے مؤثر طریقے متعارف کراوݨ اتے پاݨی دے ضیان کوں گھٹ کرݨ کیتے کوششاں جاری ہن۔ خاتون اول قابل تجدید توانائی اچ سرکردہ عالمی سرمایہ کاراں اچوں ہک دے طور تے چین دے کردار دی تعریف کریندے ݙوہائیں ملکاں وچال ثقافتی، سیاحت اتے تعلیمی تبادلیں کوں مزید ودھارا ݙیوݨ دی پاکستان دی خواہش دا اظہار کیتا۔چائنا-ایشیا-افریقہ ٹریڈ پروموشن دفتردی صدر ہائو خاتون اول کوں ݙسایا جو پاکستان اتے چین اڳلے سال سفارتی تعلقات دے قیام دی 75 ویں سالڳنڈھ منیسن جیڑھے طلباء اتے ثقافتی تبادلیں دے نال نال کساناں دی پیشہ ورانہ تربیت اچ تعاون کوں مزید وسعت ݙیوݨ دا ہک موقع اے۔ انہاں خاتون اول کوں انہاں شعبیں اچ تعاون اڳوں ودھاوݨ کیتے مفاہمت دی یادداشت تے دستخط کرݨ کیتے چین دے دورے دی دعوت وی ݙتی۔ ملاقات اچ سینیٹر شیری رحمان اتے سینیٹر سلیم مانڈوی والا وی موجود ہن۔
.jpg)
.jpg)
