اسلام آباد۔6اگست (اے پی پی) وزیراعظم محمد شہباز شریف ??ناح میڈیکل کمپلیکس دی تعمیر اچ سپیشلائزڈ ہیلتھ کئیر دے عالمی معیار کو?? ملحوظ خاطر رکھݨ دی ہدا??ت کریندیں ہوئیں آکھیا جو جناح میڈیکل کمپلیکس آزاد کشمیر تے گلگت بلتستان سمیت چاریں صوبیاں دے مریضاں کیتے عالمی معیار دا ہسپتال ہوسی۔ وزیراعظم محمد شہباز شریف ??ی صدارت اچ جناح میڈیکل کمپلیکس دی تعمیر تے پیشرفت دا جائزہ گھنݨ کیتے اجلاس بدھ کوں تھیا۔ وزیراعظم آفس دے میڈیا ونگ توں جاری بیان موجب وزیرِ اعظم ہدا??ت کیتی جو جناح میڈیکل کمپلیکس دے مختلف بلاکس کوں صوبیاں توں منسوب کیتا ونڄے، جناح میڈیکل کمپلیکس دی تعمیر، سٹاف دی بھرتییاں اچ شفافیت تے میرٹ کوں پہلی ترجیح ݙتی ونڄے، تعمیری کم دے معیار کوں اولین بݨاوݨ اتے شفاف??ت کیتے تھرڈ پارٹی ویلیڈیشن یقینی بݨائی ونڄے۔ وزیراعظم ہدا??ت کیتی جو وݙے ہسپتالاں تے مریضاں دے دباؤ کوں گھٹ کرݨ کیتے اسلام آباد اچ پرائمری اتے سیکنڈری ہیلتھ کیئر دے نظام دی بہتری دا منصوبہ پیش کیتا ونڄے۔ ا??ہا?? آکھیا جو “اللہ دے فضل و کرم نال پی کے ایل آئی بہترین طریقے نال مریضاں دی خدمت کریندا پئے، جناح میڈیکل کمپلیکس کوں پاکستان کڈنی اینڈ لیور انسٹی ٹیوٹ اینڈ ریسرچ سینٹر (پی کے ایل آئی) توں وی بہتر اتے بین الاقوامی معیار دیاں سہولتاں نال آراستہ ہسپتال بݨیسوں۔ ا??ہا?? ہسپتال اچ جینٹوریل سودھی ساری ٻئی متعلقہ سروسز میرٹ تے آؤٹ سورس کرݨ دی وی ہدا??ت کیتی۔ اجلاس اچ وزیراعظم کوں ہسپتال دے کنسپٹ ڈیزائین، بورڈ دی تشکیل اراضی اتے ہسپتال نال لڳدے مجوزہ کمرشل سینٹر بارے پیشرفت دا ݙسیا ڳیا۔ اجلاس کوں ݙسیا ڳیا جو “کنسپٹ ڈیزائن، اراضی دی منتقلی اتے بورڈ دی تعیناتیاں حتمی مرحلیاں اچ ہن، تعمیر دے بہترین معیار کوں یقینی بݨاوݨ کیتے جیو ٹیک سٹڈی اتے ہسپتال دے اسلام آباد اتے نیڑے دے رہائشیاں کیتے افادیت بارے سوشل امپیکٹ سٹڈیز جاری ہن۔ اجلاس کوں مختلف اقدامات دی معینہ مدت اتے اہداف تے وی بریفنگ ݙتی ڳئی۔ اجلاس اچ وفاقی وزراء احسن اقبال، احد خان چیمہ، سید مصطفی کمال، وزیرِ اعظم دے کوآرڈینیٹر برائے صحت ڈاکٹر مختار بھرتھ، چیئرمین پی کے ایل آئی پروفیسر ڈاکٹر سعید اختر اتے متعلقہ اعلیٰ حکام شرکت کیتی۔
