لاہور۔ 4 مئی (اے پی پی) وفاقی وزیرِ پٹرولیم علی پرویز ملک آکھیے جو مسلسل محنت اَتے موثر پالیسیاں پاروں مُلک بہتری دے پاسے وَدھدا پئے۔ او مُلک جیڑھا دیوالیہ پن دے کنارے تے ہئی، ہُݨ معاشی استحکام دے پاسے ودھدا پئے ۔ داروغہ والا اچ میڈیا نال ڳالھ مُہاڑ کریندے علی پرویز ملک آکھیا جو حکومت مہانگ تے قابو پاتے اَتے بجٹ وچ تنخواہ دار طبقے کوں ریلیف ݙتا ویسی۔ اُنھاں آکھیا جو بجلی دی قیمت جیڑھی چالھی روپے فی یونٹ توں وَدھ ڳئی ہئی، ہُݨ 7 توں 8 روپے گھٹ کیتی ڳئی اے، جݙاں جو نویں ب??لی دے کنکشن ݙیوݨ سوکھے بݨ??ئے ڳئن۔ اُنھاں آکھیا جو حکومت برآمدات ودھاوݨ کیتے اقدامات کریندی پئی اے ۔۔ ٹائر ساڑݨ جیھے پرتشدد مظاہریں دی حوصلہ شکنی کیتی ویسی۔ وفاقی وزیر آکھیا جو جے اَساں اتحاد اَتے اتفاق نال چلدے رہِسوں تاں نہ صرف پاکستان بلکہ پوری اسلامی دُنیا دا نقشہ بدل ویسی۔ خطے دی صورتحال دے پیشِ نظر ??ومی یکجہتی دی لوڑھ پہلے توں وی وَدھ ڳئی اے۔ دُنیا کوں ݙساوݨا ہوسی جو اَساں ہِک مٹھ قوم ہیسے ۔ بھارت ولوں اڄوکے الزاماں تے ردِ عمل ݙیندے علی پرویز ملک آکھیے جو بھارت آپݨیاں کمزوریاں اَتے نالائقی دا ملبہ پاکستان تے نہ پاوے۔ جے اُوں کنے کوئی ثبوت ہِن تاں پیش کرے، نتاں بے بنیاد الزاماں توں بچے۔ اُنھاں آکھیا جو پوری دُنیا پاکستان دے موقف دی تائید کیتی اے اَتے بھارت توں مطالبہ کیتے جو الزاماں دی بج??ئے ثبوت سامݨے گھِن آوے۔ علی پرویز ملک مزید آکھیا جو ساݙے صبر کوں کمزوری نہ سمجھیا ونڄے، جے لوڑھ پئی تاں ابھینندن دی چاہ دی یاد ݙہانی کراوݨی پوسی۔ اُنھاں واضح کیتے جو پاکستان ہِک ذمہ وار ریاست اے جیڑھی اپݨے دفاع دی مکمل صلاحیت رکھیندی اے۔ دہشت گردی دے اڄوکے واقعات تے ڳالھ کریندے وفاقی وزیرآکھیا جو حکومت غیر جانبدارانہ تحقیقات دے ذریعے مجرماں کوں کیفرِ کردار ت??یں پُڄیسی۔ اُنھاں آکھیا جو پاکستان دہشت گردی دی باری قیمت ادا کیتی اے اَتے اساکوں اِیں ب??رے کہیں توں سبق گھِنݨ دی لوڑھ کائنی۔
