اسلام آباد۔27مئی (اے پی پی) پاکستان وزیر اعظم نریندر مودی دے اڄوکے بیان دا نوٹس گھندیں ہوئیں آکھیا جو ایٹمی ہتھیار رکھݨ آلی ریاست دے رہنما دی حیثیت نال بھارتی وزیر اعظم توں سنجیدگی دی توقع کیتی ونڄڑی چاہیدی اے پَر انہاں ایں دی بجائے گجرات اچ ریلی توں آپݨے خطاب اچ ول ڈرامہ بازی کیتی، بھارتی وزیر اعظم ولوں ایں موقع تے تشدد تے ابھارݨ دا نفرت انگیز بیان نہ صرف آپݨے فیدے بلکہ ایں پاروں تشویشناک اے جو اے خطے اچ پہلے توں موجود عدم استحکام دی صورتحال اچ ہک ٻئی خطرناک مثال اے۔ بھارتی قیادت ولوں سنجیدگی اتے معقولیت توں تسلسل نال گریز افسوسناک اے۔ ترجمان دفتر خارجہ ولں منگل کوں جاری بیان اچ آکھیا گئیا جو عالمی برادری بھارت ولوں اشتعال انگیز بیان بازی ودھݨ، علاقائی استحکام اتے دیرپا امن دے امکانات کوں نقصان پڄاوݨ دا سنجیدگی نال نوٹس گھنے۔ بیان اچ بھارتی وزیر اعظم دے اشتعال انگیز بیان تے سخت رد عمل دا اظہار کریندیں ہوئیں ایں کوں انتخابی مہم اچ ماری گئی بڑھک قرار ڈتا گئیا ترجمان آکھیا جو ایٹمی ہتھیار رکھݨ آلی ریاست دے رہنما توں ایں دی توقع نی کیتی ونج سگدی۔ بھارتی وزیر اعظم دے بیان اچ نفرت تے مبنی تشدد دی دعوت انتہائی تشویشناک اے کیونجو خطے اچ صورتحال پہلے توں ہی خطرناک اے۔ ترجمان آکھیا جو ایجھے بیانات اقوام متحدہ دے چارٹر دے بنیادی اصولاں دی صریح خلاف ورزی ہن جو رکن ملکاں کوں تنازعاں کوں پرامن طریقے نال حل کرݨ اتے ڈوجھی ریاستاں دی خودمختاری یا سیاسی آزادی دے خلاف دھمکی یا طاقت دے استعمال توں باز رہݨ دا پابند کریندے۔ انہاں آکھیا جو پاکستان بھارتی وزیر اعظم دے ایں بیان کوں ہک اشتعال انگیزی دے طور تے ڈیکھدے جئیں دا مقصد بھارت دے غیر قانونی زیر تسلط جموں تے کشمیر اچ جاری انسانی حقوق دی خلاف ورزیاں اتے آبادیاتی انجینئرنگ توں توجہ ہٹاوݨ اے۔ بیان اچ آکھیا گئیا جو اقوام متحدہ دے قیام امن اچ شراکت دار دے طور تے پاکستان دا ریکارڈ اتے انسداد دہشت گردی دی عالمی کوششاں اچ ایں دا مسلسل تعاون کہیں وی مخالف آواز توں ودھ بلند اے۔ ترجمان آکھیا جو اگر انتہا پسندی واقعی بھارتی حکومت سانگے تشویش دا باعث اے تاں اے بہتر ہوسی جو او ایں گالھ دا جائزہ گھنے جو بھارت اچ محض اکثریت پسندی (کثرت تعداد دی بنیاد تے فیصلہ دے رجحان)، مذہبی عدم برداشت اتے سفاک ہندوتوا نظریے دے تحت اقلیتاں کوں منظم طریقے نال نشانہ ٻݨایا ویندا پئے۔ انہاں آکھیا جو پاکستان آپسی احترام اتے خودمختار مساوات تے مبنی امن سانگے پرعزم اے، جڈانجو اقوام متحدہ دے چارٹر دے آرٹیکل 51 دے مطابق او آپݨی سلامتی یا علاقائی سالمیت سانگے کہیں وی خطرے دا مقابلہ مضبوط اتے متناسب اقدامات نال کریسی۔ ترجمان آکھیا جو عالمی برادری کوں بھارت دی ودھدی ہوئی بیان بازی دا سنجیدگی نال نوٹس گھݨاں چاہیدے کیونجو اے علاقائی استحکام اتے دیرپا امن دے امکانات سانگے نقصان دہ اے۔
.jpg)
