لاہور۔19جنوری(اے پی پی) دنیا پی ٹی آئی دا کرپٹ چہرہ ݙیکھ چکی ،عدالتی فیصلے بانی پی ٹی آئی دے کرپٹ ہووݨ تے مُہر ثابت کرݙتی ۔اے ڳالھ انہاں اتوار کوں اتھاں حلقہ این اے 127 دی یونین کونسل 238 اچ ترقیاتی کماں دے افتتاح دے موقع تے ورکرز توں خطاب کریندے آکھی ۔ ایں موقع تے رکن صوبائی اسمبلی میاں عمران جاوید، چیئرمین غلام نبی طور، وائس چیئرمین حاجی اسلم بھٹی، حاجی جمشید طور، بی بی وݙیری سودھے ٻئے پارٹی کارکنان دی وݙی تعداد موجود ہئی۔۔ وزیر اطلاعات آکھیے 190ملین پاﺅنڈ پاکستان دی تاریخ دا ساریں توں وݙا ڈاکہ اے ، بند لفافے دی منظوری دے ذریعے ارباں روپے دی کرپشن کیتی ڳئی مجرم کوں سزا تھیوݨ تے چوری لُکاوݨ سانڳے اسلامی ٹچ ݙتا ڳیا ، وفاقی وزیر اطلاعات عطااللہ تارڑ آکھیےکرپشن دا حساب ݙیوݨ دی بجائے مذہب کارڈ استعمال کیتا ویندا پئے ، عدالتی فیصلے بانی پی ٹی آئی دے کرپٹ ہووݨ تے مُہر لاݙتی اے ، غیر ملکی سرمایہ کاری اچ ودھارا تھیندا پئے ،معاشی ترقی اتے عوام کوں ریلیف ݙیوݨ ساݙی اہم ترجیح اے۔ انہاں آکھیے عوام نال کیتے ڳئے وعدیں دی تکمیل سانڳے کوشاں ہیسے ، عطا اللہ تارڑ آکھیے معاشی محاذ تے مثبت خبراں آندیاں پئن ،عالمی سطح تے پاکستان دی معیشت دی تعریف کیتی ویندی پئی اے ، پوری دنیا بانی چیئرمین پی ٹی آئی دا اصل چہرہ ݙیکھ چکی اے، پی ٹی آئی آلے جو مرضی کرگھنن انہاں کنے 190 ملین پاﺅنڈ کرپشن دا جواب کائنی، انہاں آکھیے حلقے اچ گیس دا مسئلہ حل کریسوں ، شاندار استقبال تے میں سارے ورکرز دا شکریہ ادا کرینداں ، حلقے دے عوام کوں آکھیا ہئی دل دا رشتہ بݨسی ، ایں حلقے کوں ماڈل حلقہ بݨا تے رہسوں۔
.jpg)
