پاکستان متحدہ عرب امارات دے تجرباں توں فیدہ چاوݨ دا خواہشمند اے، وزیراعظم محمد شہباز شریف دی یو اے ای دے نائب وزیر عبداللہ نصر دی سربراہی اچ وفد نال ملاقات اچ گالھ مہاڑ

2025-08-12 17:36:09

Prime Minister Muhammad Shehbaz Sharif meeting with UAE's Deputy Minister of Cabinet Affairs for Competitiveness and Knowledge Exchange H. E. Abdulla Nasser Lootah at Islamabad on 16 June 2025.

اسلام آباد۔ 16 جون (اے پی پی) وزیراعظم محمد شہباز شریف آکھیا اے جو متحدہ عرب امارات جدید مینجمنٹ دے نظام نال آپنڑے ملک کوں ترقی یافتہ ملکاں دی صف اچ کھڑا کر ݙتے، پاکستان متحدہ عرب امارات دے تجرباں توں فیدہ چاوݨ دا خواہشمند اے۔ سنوار کوں وزیراعظم آفس دے میڈیا ونگ توں جاری پریس ریلیز دے مطابق وزیراعظم محمد شہباز شریف نال نائب وزیر برائے کیبنٹ افیئرز فار کمپی ٹیٹونس اتے نالج ایکسچینج عبداللہ نصر لوتاہ دی سربراہی اچ متحدہ عرب امارات دے اعلیٰ سطحی وفد ملاقات کیتی۔ وفد اچ پاکستان اچ عرب امارات دے سفیر حمد عبید الزعابی اتے گورنمنٹ نالج ایکسچینج آفس دے عبداللہ البلوکی اتے ابراہیم العلی وی شامل ہن۔ وزیراعظم آپنڑے گزریل ابوظہبی دے دورے اچ متحدہ عرب امارات دے صدر محمد بن زاید آل نہیان نال ملاقات دا ذکر کریندیں ہوئیں آکھیا جو اے ملاقات بہوں نتیجہ خیز رہی، پاک بھارت تنازعہ اچ متحدہ عرب امارات پاک بھارت تناؤ اچ کمی اچ آپݨاں اہم کردار ادا کیتا۔ وزیراعظم آکھیا جو پاکستان آپنڑیں انتظامی ڈھانچے کوں بہتر کرݨ سانگے ڈیجیٹائزیشن اتے پیپر لیس اکانومی جہیں اقدامات کیتن، ایویں چہرے توں پاک کسٹم سسٹم وی نافذ کیتا ڳئے، چنڳی حکمرانی دے حصول سانگے حکومت پاکستان متحدہ عرب امارات دے تجرباں توں فیدہ چاونڑ چاہندی اے تاں جو انہاں اقدامات کوں مزید مؤثر بنایا ونڄ سڳے۔ وزیراعظم آکھیا جو ڈیٹا دی بنیاد تے فیصلہ سازی اچ بہتری گھن آونڑ سانگے مؤثر اقدامات کیتے ویندے پئن، متحدہ عرب امارات جدید مینجمنٹ دے نظام نال آپنڑے ملک کوں ترقی یافتہ ملکاں دی صف اچ کھڑا کر ݙتے اتے پاکستان متحدہ عرب امارات دے تجرباں توں فیدہ چاوݨ دا خواہشمند اے۔ متحدہ عرب امارات دے وزیر عبداللہ نصر آکھیا جو متحدہ عرب امارات اتے پاکستان وچال دیرینہ برادرانہ تعلقات ہن۔ انہاں پاکستانی کمیونٹی دے متحدہ عرب امارات دی ترقی اچ اہم کردار دی تعریف کیتی۔ انہاں آکھیا جو اساں بخوشی پاکستان نال تجرباں اتے معلومات دا تبادلہ کرݨ سانگے تیار ہئیں۔ بعد ازاں وزیراعظم اتے عبداللہ نصر ݙوہاں ملکاں وچال مفاہمت دی یادداشت تے دستخط دی تقریب اچ شرکت کیتی۔ ایں مفاہمتی یادداشت دے تحت ݙوہیں ملک متعلقہ شعبیں اچ علم اتے آپسی تجربے، رہنمائی اتے ترقیاتی ماڈلز دا تبادلہ کریندے ہوئیں حکومتی کارکردگی دی بہتری اچ تعاون کریسن۔ ایں مفاہمتی یادداشت دے تحت چنڳی حکمرانی، ترقیاتی منصوبہ بندی، حکومتی شعبے دی اصلاحات، انسانی وسائل دی ترقی، شہری منصوبہ بندی اتے سائنس و ٹیکنالوجی اتے ٻئے شعبیں اچ تعاون شامل اے۔ تقریب اچ نائب وزیراعظم و وزیر خارجہ محمد اسحاق ݙار، وزیر منصوبہ بندی و ترقی ڈاکٹر احسن اقبال، وزیر تجارت جام کمال خان اتے معاون خصوصی سید طارق فاطمی وی شریک ہن۔

مضمون کا ماخذ : بونانزا

متعلقہ مضامین