اسلام آباد۔31جنوری(اے پی پی)وفاقی وزیر داخلہ محسن نقوی خیبرپختونخوا دے مختلف علاقیاں اچ خوارجی دہشت گرداں دے خلاف کامیاب آپریشنز تے سکیورٹی فورسز کوں خراج تحسین پیش کیتے۔ وزیر داخلہ محسن نقوی آکھیے جو پاکستان دی بہادر سکیورٹی فورسز ہک واری ول کامیاب آپریشنز کرتے خوارجی دہشت گرداں دے ناپاک عزائم مٹی اچ ملائن، سکیورٹی فورسز ویلھے تے آپریشنز کرتے 10 خوارجی دہشت گرداں کوں عبرتناک انجام تئیں پچائے جیندے تے فورسز کوں شاباش ݙینداں۔ انہاں آکھیا جو خیبرپختونخوا اچ قیام امن کیتے سکیورٹی فورسز دے اقدامات قابل تعریف ہیں، خوارجی دہشت گرد دھرتی دا ٻھار ہین جیندا قوم دی حمایت نال خاتمہ کریسوں، قوم دہشت گردی دے خلاف جنگ اچ سکیورٹی فورسز دے نال کھڑن۔
.jpg)
